Sulmet në veri, mitrovicasit tregojnë nëse ndjehen të kërcënuar nga tensionimi i situatës në atë pjesë

16:27 | 9 Dhjetor 2022
Gita

Situata në veri të Kosovës është e qetë, përjashtim disa provokime të vogla që bëhen nga pjesëtarë të grupeve të dyshuara kriminale që nuk mund të çojnë deri tek eskalimi i mëtejmë i situatës së sigurisë, thonë për arbresh.info qytetarët dhe zyrtarët policorë të cilët kërkuan të mbeten anonim.

Edhe pse janë vetëm pak orë pasi një patrullë e Policisë së Kosovës u sulmua me armë zjarri në Zveçanë, qytetarët mitrovicas nuk ndihen të rrezikuar për sigurinë e tyre.

Sipas qytetarëve krejt kjo situatë ka dirigjentin e saj që është Lista Serbe, e cila është duke i cytur nëpërmjet individëve që janë të përfshirë në grupet kriminale po mundohen ta paraqesin situatën e tensionuar./arbresh.info/