Kërkohej nga Interpoli për vjedhje të rëndë, arrestohet i dyshuari në Kamenicë

22:28 | 26 Nëntor 2022
E.H

Policia e Kosovës njofton se ka arrestuar një person të kërkuar nga Interpoli për vjedhje të rëndë jashtë shtetit.

“Drejtoria Rajonale e Policisë Gjilan, Njësiti i Rajonal i Komunikacionit Rrugor sot më datë 26.11.2022 rreth orës 20:50 minuta në rrugën e Kamenicës në një pikë kontrolli rutinë me radar kanë ndalur një automjet me tabelat vendore (01) të cilin e drejtonte A. A. Shtetas i Kosovës për shkak të tejkalimit të shpejtësisë.
I njëjti pasi është verifikuar nga ana e zyrtarëve policor ka rezultuar se është i kërkuar nga Interpoli për shkak të veprës penale ,,Vjedhje e rëndë” e kryer jashtë shtetit të Kosovës”, thuhet në njoftim.

I dyshuari është arrestuar nga ana e zyrtarëve policor dhe është sjellë në Stacionin Policor Gjilan për procedim të mëtejmë ligjor./arbresh.info/