Ministri i Mbrojtjes, Armend Mehaj, së bashku me komandantin e FSK-së, gjenerallejtënant, Bashkim Jashari, kanë udhëtuar në Uashington, për të marrë pjesë në Konferencën Vjetore dhe Panairin e Industrisë së Mbrojtjes “AUSA 2022”.

Mehaj i shoqëruar nga Jashari do të takohen me zyrtarë të lartë amerikanë.

Gjithashtu, gjatë vizitës katërditore do të takohen edhe me personalitete tjera të larta politike e ushtarake, si dhe përfaqësues të komunitetit shqiptaro-amerikan.

Postimi i plotë:

Me ftesë të Asociacionit të Ushtrisë së Shteteve të Bashkuara (AUSA), së bashku me Gjeneral Jasharin, sot udhëtuam për në Washington për të marrë pjesë në Konferencën Vjetore dhe Panairin e Industrisë së Mbrojtjes “AUSA 2022”.
Përveç takimeve gjatë panairit me përfaqësues të kompanive të industrisë amerikane të mbrojtjes, së bashku me Gjeneral Jasharin, do të kemi takimet në Departamentin e Mbrojtjes dhe atë të Shtetit, me personalitetet si: Zv.sekretarin Amerikan të Mbrojtjes, Dr. Colin Kahl, Drejtorin e Agjencisë së Bashkëpunimit për Sigurinë e Mbrojtjes (DSCA), James Hursch dhe Shefin e Byrosë së Gardës Kombëtare, Gjeneral Daniel R. Hokanson.
Gjithashtu, gjatë vizitës katërditore do të takohemi edhe me personalitete tjera të larta politike e ushtarake, si dhe përfaqësues të komunitetit shqiptaro-amerikan.
Vizita jonë është shumë e rëndësishme në procesin e zhvillimit të Forcës së Sigurisë së Kosovës dhe shpreh fuqishëm partneritetin tonë shumë të ngushtë me SHBA-në në fushën e sigurisë dhe mbrojtjes./arbresh.info/