Haradinaj: Vasfija, Saranda dhe mësuesit janë engjëjt tanë

11:45 | 7 Tetor 2022
E.H

Lideri i AAK-së, Ramush Haradinaj, në seancën e sotme parlamentare ka thënë se mësuesit janë engjëjt tanë dhe ata nuk do të duhej të përfshiheshin në luftën e brendshme politike.

Në foltoren e kuvendit, Haradinaj shtoi se Kosova asnjëherë nuk guxon t’ua kthejë shpinën mësimdhënësve.

“Vasfije Krasniqi-Goodman është engjëll i ynë. Ajo jeton për ta dëshmuar dhimbjen tonë. Edhe Saranda Bogujevci është engjëll i yni, është treguese e asaj se nga kemi ardhur. Nuk guxon Kosova asnjëherë t’ia kthejë shpinën kësaj dhimbje. Edhe mësuesit janë engjëjt tanë. Nuk është dashur ata të vijnë në mesin e luftës sonë politike. S’ka logjikë me i lënë ata vetëm në këtë kohë. I bëj thirrje Lëvizjes Vetëvendosje të mos lejojnë të na vijë puna deri në këtë shkallë. Mos të na thyhen shtizat në këtë temë”, tha haradinaj në fjalën e tij të rastit./arbresh.info/