Presidentja e Republikës së Kosovës Vjosa Osmani- Sadriu, gjatë vizitës së saj në Çeki nderoi politikanin Václav Havel, me Medaljen Precidenciale të Meritave për kondributin e dhënë për Kosovës.

E para e shtetit përmes një postimi në rrjetin social Facebook tha se me popullin çek na lidhë simbolika e lirisë dhe historia.

“Me popullin çek na lidhë simbolika e lirisë, të cilën si rrallëherë në histori, e kultivuan presidentët Ibrahim Rugova dhe Václav Havel. Në ditët më të vështira të historisë sonë, kur regjimi gjenocidal serb kryente masakra ndaj popullit të Kosovës, Haveli me shpirt prej humanisti, e tha troç: Edhe unë jam shqiptar! Prandaj, në fillim të vizitës sime në Pragë, nderova kujtimin për politikanin, prijësin, humanistin dhe simbolin e lirisë, Václav Havel. Liderët si Haveli meritojnë kujtimin e përhershëm, sepse nuk i takojnë vetëm një kombi”, ka shkruar Osmani.

Tutje, Osmani shtoi se nuk do ta harroj asnjëherë kontributin e ish-ministrit të Jashtëm çek për të drejtat e njeriut në Kosovë dhe për njohjen e pavarësisë.

“Kosova në Çeki kishte e ka edhe shumë miq të tjerë. Nuk do të harrojmë asnjëherë kontributin e ish-ministrit të Jashtëm të Republikës Çeke, z. Karel Schëarzenberg që nga vitet e tetëdhjeta kur ngriti zërin ndaj shkeljeve të të drejtave të njeriut në Kosovë e deri tek angazhimi i pashoq i tij për njohjen e Kosovës nga Çekia”, tha Osmani.

“Prandaj, i dorëzova këtij miku të madh të Kosovës Medaljen Presidenciale të Meritave, si shenjë falenderimi nga populli i Kosovës për mbështetjen e pa kursyer që na dha për lirinë e pavarësinë tonë”, bëri të ditur në fund Presidentja Osmani./arbresh.info/