Janë bërë katër vite që kur ka ndërruar jetë veprimtari i çështjeve kombëtare, Adem Demaçi.

Ai u lind më 26 shkurt 1936, në Prishtinë.

Adem Demaçi vuajti 28 vite burgun e Jugosllavisë, kjo vetëm për shkak të angazhimit të tij politik.

Me tu liruar nga burgu, ai i vazhdoi aktivitetet e tij politike.

Udhëhoqi Këshillin për të Drejtat dhe Liritë e Njeriut (KMDLNJ) nga viti 1990-1995. Në vitin 1991 u nderua nga Parlamenti Evropian me Çmimin Saharov.

Demaçi ishte zëdhënës politik i UÇK-së, gjatë periudhës 1998-1999, kur mbaheshin takimet në Rambouillet për të ardhmen e Kosovës.

Njëkohësisht kryetar i Lidhjes së Shkrimtarëve të Kosovës (2005-2007).

Duke i parë përpjekjet e tij për shtet, Demaçit iu vu nofka Nelson Mandela i Kosovës.

Ai vazhdon të jetë simbol i unifikimit për ruajtjen e kombit shqiptar, mbi pesë dekada.

Ndërroi jetë më 26 korrik 2018. Me nderime për jetën dhe veprimtarinë e tij në Kosovë u mbajt tri ditë dit zie, ku u organizuan shume aktivitete shtetërore. /arbresh.info/