Google ADS

Miratohet mes debateve në Komisionin e Ligjeve kandidatura e Bajram Begajt për President

16:39 | 4 Qershor 2022
Fjolla Bajraktari

Shqyrtimi i kandidaturës së Bajram Begajt për President të Republikës shkaktoi debat në Komisionin e Ligjeve, mes deputetëve socialistë dhe atij të Partisë Demokratike, Oerd Bylykbashi. Ky i fundit tha se Begaj nuk mund të zgjidhet President i Republikës për shkak se është ushtarak aktiv.

“Na mungon një CV e plotë dhe raporti. Duhet të shohim ekzakt se për çfarë po votojnë deputetët e Kuendit. Për hirë të solemnitetit që ka kjo seancë duhet të ishte i gjithë dokumentacioni këtu.

Një elemnt që ngrihet është që ka qenë pjesë e Ministrisë së Brendshme në një periudhë të caktuar. Nëse është e vërttë apo ajo duhet të dalë nga CV-ja apo verifikimet që bëjnë autoritetet e tjera. Por ajo që na mungon mbi tryezë është dekreti i Presidentit të Republikës. Nuk mjafton relacioni juaj”.

Kryetarja e komisionit të ligjeve, Klotilda Bushka, tha se Presidenti Meta e ka dekretuar lirimin nga detyra të Begajt, veprim që e bëri pak orë më parë nga Stambolli.
“Presidenti i Republikës duhet që në momentin e kandidimit të jetë i lirë nga çdo lloj papajtueshmërie. Këtu nuk ka asnjë dokument që e vërteton këtë. Ju edhe në raport flisni për Gjeneral Major Bajram Begajn. Prandaj duhej CV-ja e detajuar për të parë nëse i përmbush kushtet. Mbi të gjitha ka një parim shumë të rëndësishëm: në vitin 1991 bëmë një ndarje të qartë mes funksioneve civile dhe ushtarake, duke përcaktuar kontrollin civil mbi ushtrinë.
Fakti që kryeministri e ka kthyer procesin e emërimit të Presidentit në një moment si prestidigjitator, ku në momentin e fundit nxjerr lepurin nga kapelja, kjo nuk i bën nder procesit, as kandidatit. Jo më kot, Kushtetuta i jep Parlamentit 7 ditë afat, në mënyrë që të njihemi, të kontestojmë elemente, apo të rrëzohet kandidatura. Ky kandidat, deri sot me gradën Gjeneral dhe Shefi i Shtabit të Përgjithshëm. Papajtueshmëri e pastër me Kushtetutën. Asnjë lloj truku dhe veprimi nuk shmang këtë përplasje me këtë parim themelor që ka”, shtoi Bylykbashi./A2CNN/

Shpërndaje në rrjete sociale

Lajmet më të lexuara

Të ngjashme

Foto lajm

sq sq