“Open Balkan” u bë çështje diskutimi mjaftë e gjerë në Samitin e sotëm për Demokraci në Evropën Juglindore.

I dërguari i Bashkimit Evropian për Ballkanin Perëndimor, Miroslav Lajçak, tha se përkrahë tregun e përbashkët rajonal.

“BE-ja mbështet çdo iniciativë që është gjithëpërfshirëse dhe e bazuar në normat dhe vlerat evropiane”, tha Lajçak.

Edhe presidentja e Kosovës, Vjosa Osmani, përmendi iniciativën “Open Balkan” nga e cila tashmë kanë dalë disa marrëveshje ndërmjet Shqipërisë, Serbisë dhe Maqedonisë së Veriut.

“Mund të ketë Ballkan të hapur vetëm nëse e trajtojmë njëri-tjetrin si të barabartë”, deklaroi Osmani.

Kryeministri i Malit të Zi, Dritan Abazoviq, la të hapur  mundësinë që t’i bashkohet iniciativës “Open Balkan”.

“Nuk shkojmë në Ohër të bëhemi pjesë të Ballkanit të Hapur. Shkojmë si vëzhgues, do të analizojmë se çka  është e mirë për vendin, nëse vlerësojmë se është diçka e mirë nuk kam kundër asgjë që t’i bashkohemi iniciativës” tha Abazoviq.

Takimi i radhës i Open Balkan do të mbahet me 9-10 qershor në Ohër./arbresh.info/