Ad Banner
Ad Banner
Ad Banner
Ad Banner

Interit nuk i kryen punë fitorja bindëse ndaj Sampdorias – nga kampion, përfundon në nënkampion të Serie A-së

20:09 | 22 Maj 2022
Lorik Gerbeshi

Interi ka fituar 3-0 ndaj Sampdorias në kuadër të xhiros së fundit (38) në Serie A, por pa arritur të mbrojë titullin kampion.

Pjesa e parë u mbyllë pa gola, mirëpo në të dytën u realizuan plotë tri sosh.

Ishte minuta e 49-të e takimit kur Nicolo Barella asistoi për Ivan Perisicin, që shënoi për 1-0.

Për golin e dytë u përkujdes Joaquin Correa (55’) që pranoi një asisistim nga Hakan Calhanouglu, për të dyfishuar rezultatin.

Dy minuta më vonë, Correa ia doli të realizonte edhe golin e tij të dytë personal dhe të tretin për Nerazzurët, por që në fund nuk u ndihmoi edhe aq rezultati.

Milani ia doli të fitonte po ashtu 3-0 në udhëtim te Sassuolo, duke e rikthyer Scudetton në San Siro pas më shumë se 11 vitesh.

Milani grumbulloi 86 pikë në këtë edicion, dy më shumë se Interi që përfundoi si nënkampion.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm