Bayern Munichu ka fituar me rezultat 3-1 ndeshjen derbi ndaj Borussia Dortmundit në kuadër të javës së 31-të në Bundesliga dhe me këtë fitore është shpallur edhe matematikisht kampion për sezonin 2021/22.

Bavarezët kanë vazhduar mbretërimin në kampionatin gjerman duke marrë edhe fitoren e pestë radhazi, pasi mposhten Dortmundit.

Pjesa e parë foli e gjitha në të mirë të Bayernit, i cili përveç raste arriti të shenojë edhe dy gola.

Goli i parë erdhi në minutën e 15-të me anë të Serge Gnabryt që shënoi për 1-0, ndërsa Robert Lewandowski (34’) dërgoi skuadrën e tij në pushim me epërsi 2-0.

Në pjesën e dytë, u zhvillua lojë më e barabartë, por me Bayernin që nuk lëshoj terren në rrugën drejt fitores së titullit.

Dortmundi arriti të shënojë i pari me anë të Emre Can (52’) nga penalltia për 2-1, por Jamal Musiala (82’) shënoi për rezultatin përfundimtar 3-0.

Me këtë fitore, Bayerni arrin të fitojë titullin kampion në Bundesliga për herë të 10-të radhazi.

Tani Bavarezët kanë 75 pikë në vendin e parë, ndërsa Dortmundi i dyti me 63 pikë, kur kanë mbetur edhe tri ndeshje deri në fund të sezonit.