Tammy Ziv, është emëruar Ambasadore e Izraelit në Kosovë.

Ziv, ka bërë ditur në Twitter, që sot ia ka dorëzuar letrën kredenciale presidentes Vjosa Osmani.

Ajo tha se ndjehet e nderuar që është ambasadore e parë e Izraelit në Kosovë.

“Sot në mëngjes ia dorëzova letrën time kredenciale Presidentes së Republikës së Kosovës, Vjosa Osmani. Jam jashtëzakonisht e nderuar që jam bërë ambasadorja e parë e Israelit në Kosovë”, ka shkruar Ziv.

Ndryshe, me 14 mars 2021 Kosova zyrtarisht ka njoftuar për hapjen e ambasadës në Jerusalem.

Hapja e Ambasadës së Kosovës në Jerusalem u parapa në Marrëveshjen e 4 shtatorit, kur Kosova dhe Serbia kanë nënshkruar në Shtëpinë e Bardhë dy dokumente për normalizimin e raporteve ekonomike, në prezencë të presidentit të atëhershëm amerikan, Donald Trump.

Në dokumentin e nënshkruar nga Kosova, është paraparë njohja e ndërsjellë me Izraelin, ndërkaq, në rastin e Serbisë, është paraparë zhvendosja e Ambasadës së saj nga Tel Avivi në Jerusalem, gjë që ende nuk ka ndodhur.

This morning I presented my letter of credence the the President of the Republic of #Kosovo , H.E. @VjosaOsmaniPRKS and I am extremely honored to have become #Israelmfa first Ambassador to ?? ?? pic.twitter.com/LrzbPpAcEo

— Tammy Ziv ?? (@AmbTammyZiv) April 6, 2022