Vinícius Júnior është kthyer në një nga figurat më të diskutuara te Real Madrid këtë sezon – dhe jo vetëm për performancën në fushë.

Braziliani duket se po “paguan faturën” e një viti të dobët kolektiv, por edhe të polemikave që e kanë shoqëruar gjatë sezonit. Fishkëllimat në “Santiago Bernabéu Stadium” dhe reagimi i tij me duar të bashkuara, duke kërkuar falje ndaj tifozëve, janë sinjale të qarta se raporti me publikun nuk është më aq i qetë sa më parë.

Pas incidentit të përfolur me trajnerin Xabi Alonso, një pjesë e tifozëve e kanë parë Viniciusin si simbol të problemeve brenda ekipit. Edhe pse përgjegjësia nuk bie vetëm mbi të, në klube të mëdha si Reali, yjet janë gjithmonë të parët që mbajnë barrën.

Në aspektin sportiv, rënia është evidente: më pak gola dhe më pak asistime krahasuar me sezonet e fundit. Shifrat e këtij viti janë ndër më të dobëtat që nga momenti kur u bë titullar i padiskutueshëm.

Megjithatë, Vinicius po përpiqet të japë sinjale pozitive. Goli i fundit, i shoqëruar me kërkesën për falje dhe më pas me një foto duke puthur stemën e klubit, tregon dëshirën e tij për të kthyer faqen.

Në një sezon të vështirë për “Los Blancos”, mbetet të shihet nëse ky moment do të shërbejë si pikë kthese për brazilianin dhe për vetë skuadrën. Ky do të jetë sezoni i dytë me radhë që Real Madridi nuk arrin të fitoj një trofe madhor./Arbresh.info

Në një sezon të vështirë për “Los Blancos”, mbetet të shihet nëse ky moment do të shërbejë si pikë kthese për brazilianin dhe për vetë skuadrën. Ky do të jetë sezoni i dytë me radhë që Real Madridi nuk arrin të fitoj një trofe madhor./Arbresh.info