Këngëtarja nga Shqipëria, Enca Haxhia, prej disa ditësh ndodhet në Emiratet e Bashkuara Arabe, në Dubai.

Artistja e njohur së fundmi ka marrë pjesë në koncertin që ka mbajtur ylli kolumbian, Maluma, në kuadër të turneut “Papi Juancho”.

26-vjeçarja ka shpërndarë disa video në InstaStory, ku shihet duke u argëtuar nën ritmet e këngëve të tij.

Krijuesja e hitit “Break Down” duket se po kalon një kohë të mirë nën shoqërinë e mikeve të saj të ngushta.

Pushimet e Encës në Dubai vijnë pas disa ditësh të bukura që kaloi në Afrikë, në Zanzibar.

Ajo këtë kohë ka qenë më e distancuar nga muzika duke qenë se prej muajsh nuk ka sjell projekt të ri.

Enca madje në vitin që lamë pas kishte anuluar të gjitha koncertet e mbrëmjet muzikore, për t’i dhënë një pushim më të gjatë vetes. /Telegrafi/