Dy persona janë shpallur në kërkim pasi akuzohen për ndërtimin e paligjshëm të një pallati 7 katësh dhe disa shtesa pa leje në qytetin e Sarandës.

Në kuadër të operacionit të koduar “Heshtja”, është arrestuar shtetasja  R. P., 31 vjeçe, si dhe u shpall në kërkim shtetasi P. P., 66 vjeç.

U shpallën në kërkim edhe dy persona të tjerë të identifikuar si: M. A., 30 vjeç, dhe N. J., 26 vjeç, banues në Sarandë, me detyrë Inspektor në Inspektoriatin Vendor të Mbrojtjes së Territorit, pranë Bashkisë Sarandë.

Pasi janë siguruar prova ligjore në lidhje me ndërtimin e paligjshëm të një pallati 7 katesh ende të pa perfunduar por edhe disa shtesa pa leje, në disa pallate në ndërtim, Gjykata e Rrethit Gjyqësor Sarandë me vendimin Nr.21, datë 24.02.2022, ka vendosur për këta dy shtetas,  masat e sigurisë në mungesë  “Arrest në burg”, për veprën penale “Shpërdorimi i  detyrës”.

Të dy dyshohet se me veprimet/mosveprimet e tyre kanë lejuar ndërtimet pa leje në zona të ndryshme në qytetin e Sarandës, në bashkëpunim me Kryeinspektoren e IMT  R. P., e arrestuar me datë 21.02.2022,  për veprën penale “Shpërdorimi i  detyrës”,

Materialet iu referuan Prokurorisë së Rrethit Gjyqësor Sarandë, për veprime të mëtejshme./Top Chanel/