Shefi i BE-së, Charles Michel, po i kërkon Bjellorusisë që të “mos marrë pjesë” në sulmin ushtarak të Rusisë ndaj Ukrainës.

Do të ketë një samit urgjent të Bashkimit Evropian për të vendosur sanksione të reja ndaj Moskës për pushtimin e saj më vonë, raporton BBC News, transmeton arbresh.info.

Në një thirrje drejtuar Bjellorusisë dhe popullit të saj gjatë një konference për media në selinë e NATO-s, Michel thotë: “Ju keni zgjedhjen të mos ndiqni veprimin shkatërrues të Rusisë. Ju keni zgjedhjen të mos merrni pjesë në këtë tragjedi të panevojshme kundër fqinjëve tuaj në Ukrainë.”

Bjellorusia, një aleat rus që kufizohet me Ukrainën në veri, po lejon dhjetëra mijëra trupa ruse të kalojnë kufirin e saj në Ukrainë, sipas qeverisë së Ukrainës.

Lukashenko tha më herët se presidenti rus Vladimir Putin e kishte telefonuar për ta informuar për operacionin e tij ushtarak kundër Ukrainës. Ai tha se forcat kombëtare të Bjellorusisë “nuk po marrin pjesë në këtë operacion”./arbresh.info/