14 Shkurti Dita e të Dashuruarve

10:37 | 14 Shkurt 2022
Fjolla Bajraktari

Shën Valentini festohet çdo vit më 14 shkurt. Është dita kur njerëzit ia shfaqin dashurinë një personi tjetër përmes dhuratave të ndryshme, duke përfshirë dërgimin e kartolinave, luleve apo çokollatave.

Në disa vende të botës ka nga ata persona të cilët e festojnë thjesht duke ngrënë një darkë me partnerin.

Në Finlandë dhe Estoni, kjo ditë shënohet ndryshe nga vendet e tjera, ajo njihet si “Dita e miqve” dhe festohet më tepër në aspektin miqësor dhe jo në atë të romancës.

Ndërsa në Kosovë kjo festë ka rëndësi të madhe në veçanti për qiftet e reja, transmeton arbresh.info.

Zgjedhja e dhuratave luan rol kryesor edhe tek ne, duke filluar nga lulet e deri te parfumet.

Në ditët e sotme, besimi islamik dhe ai hindu propagandon të shmangen festa të tilla si Shën Valentini, pasi cilësohen si tradita të huaja që ndikojnë në humbjen e kulturës vendase./arbresh.info/