Banorët e Hajvalisë thonë se KEDS-i i la pa rrymë tërë ditën, për favore ndaj bizneseve

16:17 | 7 Shkurt 2022
Përparim Bublaku

Banorët e Hajvalisë që nga mesdita janë duke u përballë me mungesë të energjisë elektrike.

Kjo po ndodh pasi përballë xhamisë po planifikohet të hapet një pikë e re e “Viva Fresh”, ku siç shihet edhe në videon e dërguar nga lexues të arbresh.info, ekipet e KEDS-it janë duke punuar në rrejt.

Por, sipas lexueseve të shumtë që kanë shkruar në adresën e arbresh.info, KEDS-i kanë lënë pa energji elektrike gjatë tërë ditës dhe nuk ka marrë masa, edhe pse kishte njoftuar që energjia do të kthehet në ora 16:00, një gjë e tillë nuk ka ndodhur.

Ata kanë thënë se kjo pjesë shpesh përballet me mungesë të energjisë elektrike edhe në ditë si kjo kur temperaturat janë të ulëta e me reshje bore./arbresh.info/