Po vazhdon seanca e jashtëzakonshme e Kuvendit të Kosovës për shtrenjtimin e energjisë eleltrike.

Nga atje, shefja e Grupit Parlamentar të Lëvizjes Vetëvendosje, Mimoza Kusari-Lila, si gjithmonë ka adresuar një mal kritikash ndaj opozitës për këtë seancë dhe sigurisht ajo për krizën e energjisë elektrike ua ka hedh fajin qeverive të kaluara.

Sipas Kusari-Lilës, kjo çështje ka dy shkaktar, një të trashëguar dhe një tjetër të krijuar nga tregu botëror i energjisë elektrike.

“Që prej arsyetimit të opozitës për thirrjen në këtë seanca ka pasaktësi dhe të pavërteta edhe në thirrjen për seancë edhe në deklarimin tash të shefit të GP-së së PDK-së me qëllim të manipulimit të opinionit publik. Si e para, në arsyetim të ftesës e keni parë se kanë vendosur shqetësimin e tyre për gjendjen e krijuar pas propozimeve për shtrejtimin e energjisë elektrike, e cila godet rëndë qytetarët dhe bizneset. Në prill të vitit 2021 nuk i shtynë bizneset në treg të liberalizuar. Sot nuk ka propozim për ngritje të çmimit për bizneset”, ka thënë ajo.