Papa dhuron 100 mijë euro për emigrantët në kufirin polak

23:10 | 18 Janar 2022
Trina Galanxhi

Papa Françesku ka dhuruar 100 mijë euro për migrantët e bllokuar në kufirin polako-bjellorus, tha Selia e Shenjtë.

“Ati i Shenjtë ka vendosur të dërgojë një donacion prej 100,000 eurosh për të ndihmuar grupet e migrantëve të bllokuar në kufirin midis Polonisë dhe Bjellorusisë”, tha në një deklaratë Dikasteri për Promovimin e Zhvillimit Integral Njerëzor, organi i refugjatëve të Selisë së Shenjtë, transmeton portal arbresh.info

Në deklaratë thuhet se qëllimi i këtij donacioni është të ndihmojë Caritas-in polak me qëllim që të zbusë krizën e emigrantëve në kufirin mes dy vendeve.

Mijëra emigrant, kryesisht nga Lindja e Mesme, veçanërisht nga Iraku, kanë kaluar ose po përpiqen të kalojnë kufirin lindor të BE-së në Letoni, Lituani dhe Poloni që nga kjo verë./arbresh.info/