Mbrëmë, e mërkurë, u privua nga jeta një gruaja 48-vjeçare me inicialet L.Q., në shtëpinë e burrit të saj në Llaushë të Skenderajt.

Ekskluzivisht për arbresh.info, Azem Qerimi, vëllai i të dyshuarit, me iniciale S.Q, që privoi nga jeta bashkëshorten e tij ka rrëfyer tërë ngjarjen tragjike.

Ngjarja tragjike që ka ndodhur të mërkurën në Llaushë, kishte nisur kohë më parë.

Për dhunë ndaj bashkëshortes, Azemi thotë se vëllai i tij ka shkuar disa here në Polici.

“Katër apo pesë ditë para se me ndodh rasti, policia e ka liru vëllaun tim. Vëllau im ka pasur probleme psiqike dhe është paradoks si lirohet një person i tillë. Pas është kthy në shtëpi ai e ka vrarë grun e tij. Gruaja e tij ka qenë një grua shembullore. Vëllai im edhe më herët ka pas probleme edhe kriza nervore kohë pas kohe. Jam i befasuar si Policia e liron një person që ka tentu të vras bashkëshorten e tij disa herë”, tha Qerimi.

E ndjera do të varroset në Buroj në fshatin e lindjes së saj. I dyshuar është ndalur nga Policia e Kosovës për 48 orë. /arbresh.info/