Babai rrah brutalisht foshnjën dymuajshe, nuk e duronte teksa qante

16:16 | 1 Dhjetor 2021
A. B.

Një ngjarje e rëndë është shënuar në Turqi.

Mediat atje, shkruajnë se një baba ka torturuar foshnjën e tij 2 muajsh. Në pamjet në fjalë duket Yunus Göç duke rrahur egërsisht fëmijën dhe arsyeja ishte e qara e foshnjës.

Sipas “>haberturk.com, pamjet e dhunshme janë filmuar nga telefoni, kamerën e të cilit nëna e foshnjës e kishte lënë fshehurazi hapur, para se të dilte nga shtëpia.

Në video dëgjohet foshnja që qan, ndërsa i ati e godet dhunshëm.

Abuzimi përfundoi vetëm kur nëna u kthye në shtëpi dhe ia rrëmbeu fëmijën nga duart babit mostër. Fëmija u transportua në spital me hemorragji cerebrale, ndërsa babai i tij u arrestua.

“Ai nuk duhet të dalë kurrë nga burgu”, ka thënë nëna e fëmijës për mediat vendase.