Ndotja e ajrit është problem i madh shëndetësor me të cilin përballen miliona njerëz në të gjithë botën.

Një problem i tillë ditëve të fundit është edhe në Kosovë, kryesisht në Prishtinë, raporton Indeksonline.

Sipas monitorimit të cilësisë së ajrit nga Ambasada e SHBA-ve, ajri në kryeqytet është i pashëndetshëm.
Indeksi i cilësisë së ajrit (AQI) është 167.

Gjatë ditës, Instituti Hidrometeorologjik i Kosovës u ka bërë thirrje grave shtatzëna që të qëndrojnë brenda.

“Të rriturit dhe fëmijët me probleme të mushkërive dhe të rriturit me probleme të zemrës, duhet të zvogëlojnë aktivitetin e rëndë fizik, veçanërisht jashtë, dhe veçanërisht nëse përjetojnë simptoma. Gratë shtatzëna duhet të qëndrojnë brenda. Njerëzit me astmë mund të zbulojnë se kanë nevojë të përdorin thithësin e tyre më shpesh. Njerëzit e moshuar gjithashtu duhet të zvogëlojnë sforcimet fizike”, apelon IHMK.