Trajneri i Interit, Simone Inzaghi, thotë se përballja e tyre me Napolin mund të jetë vendimtare në garën për titull.

Kampionët takohen të dielën me liderin e Serie A Napoli.

“Do të jetë një lojë shumë e rëndësishme për pozicionin tonë në tabelë, ashtu siç ishte kundër Milanit. Guximi dhe motivimi mund të bëjnë ndryshimin”, tha Inzaghi në konferencën e tij për shtyp.

“Kemi bërë mirë në Serie A dhe Champions League. Ne jemi vetëm dy pikë larg pozicionit tonë në këtë fazë sezonin e kaluar, por është gjithashtu e vërtetë se Milani dhe Napoli kanë një fillim të tillë që nuk e kishim parë në Serie A për 40 vjet”.

“Ne merituam më shumë kundër Atalantës, Juventusit dhe Milanit, vetëm duke marrë tre barazime, kështu që duhet të bëjmë më shumë nga nesër në përballjet kokë më kokë. Ka ardhur koha për të fituar këto ndeshje”, vazhdoi ai.

“Ndonjëherë incidentet mund të jenë vendimtare, si një penallti që humbet ose nuk jepet, por unë jam krenar për këta djem. Të gjithë mund të bëjmë më mirë, e dinim se do të ishte një sezon kalimtar pas ndryshimeve gjatë verës, por ne jemi konkurrues në çdo turne”, përfundoi tekniku italian.

Ndeshja mes Interit dhe Napolit zhvillohet në “Giuseppe Meazza” me fillim nga ora 18:00./Arbresh.info