Nëse jeni nga ata persona që shpesh u digjet dreka, atëherë këtu mund të gjeni disa këshilla se si të lani më lehtë enët e djegura.

Askush nuk është rehat kur i digjet dreka, dhe sidomos kur kap fundin e një tenxhere apo tigan. Fatkeqësisht, kjo ndodh mjaft shpesh gjatë gatimit, sepse diku humbim vëmendjen ose zjarri është i fortë dhe ndodh, transmeton portal arbresh.info

Megjithatë, me këto truke do i bëni enët të duken si të reja.

Kripa

Mënyra e parë që ju sugjerojmë të pastroni enët e djegura është me ndihmën e kripës. Pastrimi me kripë është një metodë e vjetër dhe e provuar për pastrimin e djegieve nga dielli. Nëse do të pastroni një tigan që ju është djegur, duhet të hidhni ujë mjaftueshëm në të për të mbuluar zonat e djegura. Më pas shtoni kripë të bollshme. Kjo përzierje vihet në zjarr të ziejë dhe zihet për 5 deri në 10 minuta. Me këtë metodë, njolla e djegur do të bjerë shumë lehtë dhe shpejt.

Lëng të gazuar ose Coca-cola

Duhet të dini se është shumë e rëndësishme që nëse ushqimi juaj digjet gjatë gatimit, duhet ta lagni enën menjëherë dhe jo pasi të thahet ushqimi i djegur. Në vend që ta njomni tenxheren me ujë të ngrohtë, siç bëhet zakonisht, mund të shtoni pak lëng të gazuar ose coca cola. Ndërsa ena që është djegur është ende i ngrohtë, menjëherë pasi e hiqni nga soba dhe shtoni coca-cola ose ndonjë lëng të gazuar dhe lëreni të veprojë.

Sodë buke

Soda e bukës ndihmon shumë edhe në pastrimin e enëve të djegura. Vendosni sodë buke në enën e djegur, shtoni pak lëng limoni ose uthull dhe fërkoni pak. Lëreni të qëndrojë për disa minuta dhe më pas shpërlajeni./arbresh.info/