Lideri i Vetëvendosjes, Albin Kurti, është pyetur në lidhje me bashkëpunimin e tij me Listën GUXO në këto zgjedhje, listë kjo e drejtuar në zgjedhjet nacionale nga Vjosa Omsani, tani presidente e vendit.

“Nuk besoj që zgjedhjet e 14 shkurtit mund të krahasohen me këto të 17 tetorit. Ajo listë ishte e pashembullt, pasi tre të parët e asaj liste drejtojnë me vendin. Vetëvendosje në vend e Kuvend, në nivel lokal në republikë, jemi të parët. Po të kishin fituar kandidatët tanë mbrëmë do të ishte më mirë për qytetarët, e për neve më mirë është pas katër javëve”, është shprehur Kurti para gazetarëve.

LEXO EDHE Kurti: Jemi të parët, kurrë s’kemi qenë më të fortë

Ai ka shmangur përmendjen e presidentes Osmani, sikur edhe Listës GUXO.

“Kemi bashkëpunuar aq sa kemi mundur e ditur. Nuk ka munguar vullneti. Në ndonjë komunë kemi mundur të kombinohemi më mirë. Analizën do ta bëjmë me kryesinë e Vetëvendosjes, kryetarët e qendrave dhe të shohim a kemi mundur të bëjmë diku më shumë. Nëse pas 10 vjetëve që garojmë, jemi subjekti më i madh, tash i bie tetë vjetë më vonë, jemi subjekti i parë në nivel republike edhe sa i përket zgjedhjeve lokale”, deklaroi Kurti./arbresh.info/