Sipas shifrave zyrtare, numri i vdekjeve nga koronavirusi në Amerikën Latine dhe Karaibe e ka tejkaluar shifrën 1.5 milionë.

Vetëm në Brazil kanë humbur jetën 600 mijë njerëz si pasojë e koronavirusit, transmeton portal arbresh.info

Pas Brazilit, Meksika ka numrin më të madh të vdekjeve (281,121), Peru (199,581), Kolumbi (126,552) dhe Argjentinë (115,444), raporton AFP.

Me 605 vdekje për 100,000 banorë, Peru është vendi me shkallën më të lartë të vdekshmërisë në nënkontinent.

Pandemia ka vrarë të paktën 4.83 milionë njerëz në mbarë botën që nga fundi i dhjetorit 2019, sipas një raportit.

Organizata Botërore e Shëndetit (OBSH) vlerëson, duke marrë parasysh vdekshmërinë e tepërt të lidhur drejtpërdrejt dhe indirekt me koronavirusin, se numri mund të jetë dy deri në tre herë më i lartë.

Megjithatë, sipas të dhënave zyrtare të mbledhura nga AFP, pandemia ka filluar të ngadalësohet.

Në të gjithë botën, 422,400 kontaminime u regjistruan çdo ditë këtë javë, ose 7 përqind më pak se javën e kaluar. Në Amerikën Latine dhe Karaibet, numri i rasteve të reja ra me 15 përqind nga java e mëparshme./arbresh.info/