Thomas Tuchel ka regjistruar humbjen e dytë me radhë, duke humbur mbrëmë ndaj skuadrës së Juventusit në Ligën e Kampionëve.

Thomas Tuchel ka folur pas ndeshjes duke theksuar se ekipi i tyre ishin të “uritur” për fitore por skuadra vendase u mbrojt thellë.

“Ne kishim një ditë pushimi [pas Man City] dhe dy seanca stërvitore shumë të mira dje,” u tha Tuchel gazetarëve pas ndeshjes.

“Ne ishim absolutisht të mprehtë, dukeshim shumë të freskët dhe shumë të uritur, dhe gati për një kthim mbrapa.

“Është shumë e vështirë të vendosësh një ritëm të madh kundër një ekipi që mbrohet kaq thellë. Nëse ne mbroheshim thellë kundër City ishte e vështirë për ta të krijonin shanse. Ishte e njëjta gjë për ne këtu.

“Por ndryshimi ishte se ne dhamë dy shanse të mëdha dhe i dhamë besimin përsëri në stadium”, përfundoi Tuchel.

Chelsea ka regjistruar vetëm një goditje në portë në dy humbjet ndaj Man Cityt dhe Juventusit, gjersa ndeshje e ardhshme për londinezët do të jetë ajo ndaj Southampton, të shtunën.