Revista britanike, Glamour, i ka dedikuar një artikull aktores turke, Hande Erçel, kryesisht për bukurinë e saj.

Në fillim, prestigjiozja vuri në dukje se ylli i “Sen Çal Kapimi” tashmë ishte në krye të “100 fytyrave më të bukura të vitit” të TC Candler dhe zuri vendin e parë dy herë në vitet e mëparshme.

Glamour UK me këtë rast e ka shpallur aktoren 27-vjeçare si ‘gruan më të bukur në botë për vitin 2021’.

Kurorëzimi i Hande Erçel si ‘gruaja më e bukur në botë’ nga Glamour UK ka bërë bujë në rrjetet sociale.

Pas njoftimit të Glamour UK, përdoruesit e mediave sociale dhe faqet e ndryshme të internetit ishin kuriozë të dinin sekretin pas bukurisë së Erçel.

U zbulua se aktorja turke ndjek një rutinë të veçantë të bukurisë dhe kujdesit të lëkurës, siç është pirja e sasive të mëdha të ujit në baza ditore.

Shumë ndjekës gjithashtu vunë në dukje se Hande e fillon ditën e saj me stërvitje, sipas postimeve që ndan në Instagram.

Vitin e kaluar, ylli turk u rendin e para në “The 100 Most Beautiful Ëomen of 2020” duke lënë pas: Tuba Buyukustun, Fahriye Evcen, Demet Ozdemir, Elçin Sangu dhe Neslihan Atagul.

Në anën tjetër, i dashuri i aktores, Kerem Bursin, u rendit në vend të 38-të në “Golden Face Line Actor”.