Brazili do të kërkojë t’i hakmerret Argjentinës për humbjen që ia shkaktoi në finale të Kupës së Amerikës 2021, kur të takohen sonte në një ndeshje kualifikuese për Kupën e Botës në Sao Paulo.

Brazili është lider i renditjes kualifikuese në Amerikën Jugore me shtatë fitore nga shtatë ndeshje, e ndjekur nga Argjentina që synon ta ngushtojë hendekun ndaj rivalit të përbetuar.

Argjentina i ka 15 pikë në vendin e dytë, e ndjekur nga Ekuadori me 12, Uruguai me 9 dhe Kolumbia me 9 po ashtu.

Katër vendet e para e sigurojnë pjesëmarrjen në Kupën e Botës 2022 në Katar, ndërsa vendi i pestë luan në play-off.

Brazili vjen nga një fitore e vështirë 1:0 kundër Kilit në ndeshjen e kaluar, derisa Argjentina e mundi 3:1 Venezuelën.

Ky do të jetë takimi i parë mes Brazilit dhe Argjentinës që prej finales së Kupës së Amerikës në verë, të cilën e fituan argjentinasit 1:0.

Lionel Messi starton për Argjentinën kundër tani bashkëlojtarit e tij te Paris Saint-Germain, Neymar, i cili i prin sulmit të Brazilit.

Ndeshja e rrethit të 8-të kualifikues në Amerikën Jugore mes Brazilit dhe Argjentinës nis në orën 21:00.

Formacionet zyrtare: