Kancelarja gjermane Angela Merkel bëri vizitën e saj të dytë në rajonin e shkatërruar nga përmbytja të martën ndërsa puna vazhdoi në Gjermaninë perëndimore dhe Belgjikën për të pastruar rrënojat dhe në gjetjen e më shumë viktimave të katastrofës së javës së kaluar.

Deri më tani, 196 njerëz janë konfirmuar të vdekur pas përmbytjeve – 165 në Gjermani dhe 31 në Belgjikë.

Merkel ka premtuar ndihmë të shpejtë financiare dhe një fokus politik të dyfishuar në frenimin e ndryshimit të klimës, raporton AP.

Të martën, kancelarja vizitoi qytetin Bad Muenstereifel, disa kilometra nga fshati i shkatërruar i Schuld, të cilin ajo vizitoi të dielën.

Me të ishte guvernatori i Nordrhein-Westfalen Armin Laschet, i parë gjerësisht si zëvendësuesi i Merkelit për zgjedhjet e ardhshme të përgjithshme gjermane në shtator.