Mehaj: Operacionet e FSK-së në Deçan do të vazhdojnë, kjo është detyra jonë

22:35 | 14 Korrik 2021
Përparim Bublaku

Ministri i Mbrojtjes, Armend Mehaj ka publikuar fotografi të ushtarëve të FSK-së, gjatë aksioneve të zhvilluar në Deçan, ku kanë ndihmuar dhe monitoruar situatën pas helmimit të mijëra qytetarëve.

Mehaj përmes një postimi në Facebook, ka shkruar se do të vazhdojnë me operacione të tilla deri në tejkalimin e situatës.

Postimi i plotë i tij:

Sot gjatë tërë ditës kanë vazhduar aktivitetet e njësive specialistike të FSK-së në operacionet për menaxhimin dhe tejkalimin e situatës emergjente në komunën e Deçanit.
Ooeracionet u zhvilluan dhe po vazhdojnë të zhvillohen me 6 komponente operative, të shtuar nga paraditja edhe me dhurimin e materialeve mjekësore për personelin e QKMF-në e Deçanit.
Operacionet do të vazhdojnë pandërprerje deri në tejkalimin e situatës emergjente dhe rikthimin në gjendjen normale.
Ky është misioni ynë!
Kjo është detyra jonë!/arbresh.info/