Partia Demokratike e Kosovës, duket se ka mbetur në një udhëkryq dhe me disa rreziqe.

Mbajtja e një konvente për zgjedhjen e kryetarit të partisë para zgjedhjeve lokale po shihet si një “thikë më dy teha”, për njohësit e çështjeve politike në vend.

Të dy variantet kanë rreziqe për këtë parti sipas analistit Fitim Salihu.

“Nuk kam ndonjë mendim. Dy variantet i kanë rreziqet dhe dobitë e veta. Më së miri e përcaktojnë vetë ata se cilin variant do ta aplikojnë”, ka vlerësuar ai për arbresh.info.

E të domosdoshëm kjo parti e ka që të zgjedh një kryetar të ri para zgjedhjeve lokale e thotë, gazetari Zekirja Shabani.

“Partia Demokratike e Kosovës e ka të domosdoshme zgjedhjen e një kryetari që do të marr besimin e plotë të të gjitha strukturave të partisë. Aktualisht Enver Hoxhaj nuk është në gjendje të kontrollojë partinë dhe të hyjë në zgjedhje lokale si ushtrues detyre i kryetarit pasi është parë që ka mos pajtime të mëdha brenda partisë. Organizimi i zgjedhjeve të brendshëm para atyre elektorale është i domosdoshëm”, ka vlerësuara Shabani.

Kujtojmë se që nga nëntori i vitit të kaluar, me Partinë Demokratike të Kosovës është duke udhëhequr nënkryetari i saj Enver Hoxhaj.

E në këtë periudhë kur vendi po shkon në drejtim të zgjedhjeve lokale mos koordinimi i brendshëm për emrat e kandidatëve për kryetar komunash vetëm sa ka venë në pah përçarjet brenda PDK-së.

Kjo duket se ka bërë që Hoxhajt të paralajmërojë konventën zgjedhore para se vendi të shkoj në zgjedhje lokale./V.Selimi/arbresh.info/