Ministrja e Infrastrukturës, Belinda Balluku, në një deklaratë për mediat nga aeroporti i Rinasit ka njoftuar se nga mesdita do të rinisin fluturimet e domosdoshme, siç janë ato humanitare, politike, diplomatike etj.

Balluku po ashtu u shpreh se vaksinat që duhet të vinin mbrëmë dhe do të vijnë sot pasdite rreth orës 15:00. Ndërkohë për sa i përket fluturimeve për pasagjerë, do të rinisin nesër.

“Në këto momente do të nisin fluturimet esenciale, që janë fluturime humanitare, shëndetësore, diplomatike etj. Kemi arritur që me një përpjekje shumë të madhe të ruajmë sasinë e vaksinave që do të vinin mbrëmë. Vaksinat do të vijnë sot rreth orës 3 pasdite. Dua të njoftoj të gjithë qytetarët që nuk mund të kemi fluturime të aviacionit civil, por nesër do të ketë fluturime normale.”, tha Balluku.

Më tej ajo komentoi dhe grevën e punonjësve të Albcontrol, duke thënë se është një grevë e paligjshme./tvklan.al