Po të donte ish-presidenti Hashim Thaçi, Gjykata Speciale nuk do të votohej.

Kështu ka deklaruar ish-shefi i stafit dhe bashkëpunëtori më i afërt i Hashim Thaçit, Bekim Çollaku në Rubikon.

“Po të donte ish-presidenti [Hashim] Thaçi që në atë kohë ka qenë kryetar i PDK-së sigurisht se një gjykatë e tillë nuk do të votohej. Arsyeja e vetme pse ish-presidenti [Hashim] Thaçi dhe gjithë elita politike në Kosovë e kanë votuar këtë gjykatë është se të gjithë kanë qenë të bindur se nuk ka asnjë dëshmi ose pretendim që mund të vërtetohet lidhur me trillimet e Dick Martyt dhe raportit të tij. Nuk ka pasë frikë askush nga votimi i kësaj gjykate. Askush në atë kohë nuk e ka menduar që kjo gjykatë do të shndërrohet në një mekanizëm krejtësisht tjetër i cili në emër të gjoja drejtësisë do të persekutojë në mënyrë politike figurat më të larta shtetërorë të shtetit të Kosovës”.