Ad Banner
Ad Banner
Ad Banner
Ad Banner

Google mbështet gratë afrikane me 25 milionë dollarë

11:11 | 9 Mars 2021
Arditë Shkodra

Google njoftoi se do të mundësojë mbështetje prej 25 milionë dollarëve për gratë në Afrikë.

Drejtoresha e Google për Nigerinë, Juliet Ehimuan, në deklaratën e saj me rastin e “8 Marsit Ditës Botërore të Gruas”, tha se fuqizimi i grave në aspektin ekonomik në Afrikë është më vështirë se kurrë për arsye të pandemisë së COVID-19.

Ajo tregoi se Google në kuadër të programit Sfida e Ndikimit Global (GIC) grave afrikane do t’u mundësojë mbështetje prej 25 milionë dollarësh.

Ehimuan vuri në dukje se me këtë program janë fokusuar në ndryshimin e status quo-s ndaj grave dhe vajzave, duke theksuar se humbjet e të ardhurave dhe mungesa e arsimimit nuk janë vetëm efektet anësore të COVID-19, por do të ndikojnë negativisht në përparimin ekonomik të grave të arritur gjatë viteve.

Ajo tërhoqi vëmendjen se gratë luajnë rol të rëndësishëm në shoqëri.

Shpërndaje në rrjete sociale

Lajmet më të lexuara

Të ngjashme

Ad Banner

Foto lajm