Avdullah Hoti takon Xhafer Balaj: Krenar me bashkatdhetarët tanë, të cilët janë shembull i të mirës së atdheut në të gjitha periudhat

10:01 | 25 Shkurt 2021
V. S.

Kryeministri në detyrë, Avdullah Hoti ka pritur në takim sot përfaqësuesin e Shoqatës “Human Bridge”, Xhafer Balaj

Më këtë raste Hoti Balajt i ka ndarë një letër falënderimi për humanizëm ndërsa ka shkruar se ndihet krenar më kontributin e bashkatdhetarëve, raporton arbresh.info

Postimi i plotë:

Kënaqësi e veçantë të ndaja letër falënderimi për shembullin e mirë, të bazuar në humanizëm dhe vullnet të mirë, të cilin e aplikon dhe përfaqëson si është më së miri bashkatdhetari ynë, z. Xhafer Balaj.

Kontributi i z.Balaj dhe bashkëpunimi i tij me Shoqatën “Human Bridge”, ka rezultuar me ndihmën e vazhdueshme ndaj shtresave në nevojë dhe njerëzve me aftësi të kufizuara.

Krenar me bashkatdhetarët tanë, të cilët janë shembull i të mirës së atdheut në të gjitha periudhat!/arbresh.info/