Naomi Osaka përfundoi rrugëtimin Serena Williams për një kurorë të 24-të Grand Slam për të barazuar rekordin me më së shumti tituj Grand Slam.

Japonezja e treta në botë kaloi veteranen amerikane 6-3, 6-4, në Rod Laver Arena para mijëra tifozëve të cilët u lejuan të ktheheshin pasi Melbourne ngriti një izolim pesë-ditor, shkruan AFP.

Ajo do të përballet me amerikanen Jennifer Brady ose çeken Karolina Muchova të shtunën për një titull të katërt Slam pas suksesit të saj në Flushing Meadows në 2018 dhe vitin e kaluar, dhe Melbourne në 2019.

Fitorja la Williams – e  cila fitoi titullin e saj të fundit në Melbourne në 2017 – të bllokuar në 23 tituj Grand Slam ndërsa përpiqet të arrij rekordin e të gjitha kohërave të Margaret Court.

Që kur fitoi ndërsa ishte shtatzënë në Australi katër vjet më parë, Williams ka humbur katër finale të Slam, duke përfshirë një kundër Osaka në US Open 2018, transmeton arbresh.info.

“Kam goditur shumë gabime të paforcuara në ‘gamin’ e parë, thjesht kam qenë nervoz dhe e frikësuar”, tha Osaka, e cila fitoi pesë ‘games’ radhazi në setin e hapjes pasi humbiste 2-0.

“Por pastaj e lehtësova disi rrugën time dhe gjëja më e madhe për mua ishte të argëtohesha.”

“Për mua, është gjithmonë një nder të luaj me të dhe nuk doja të dilja (nga turneu), kështu që thjesht bëra më të mirën time,” shtoi ajo./arbresh.info/