Lionel Messi do të ndërmarrë veprime ligjore kundër mediumit ‘El Mundo’ për zbulimin e detajeve të kontratës së tij të Barcelonës.

Gazeta spanjolle zbuloi në mënyrë të bujshme detajet e kontratës marramendëse të Messit, duke pretenduar se ai fiton 555,237,619 euro në katër sezone nëse plotësohen një seri kushtesh .

Marrëveshja e tij katër-vjeçare në Camp Nou përfshinte një bonus nënshkrimi prej 115,225,000 eurosh për pranimin e rinovimit fillestar dhe një bonus të madh besnikërie prej 77,929,955 eurosh.

Përveç këtyre fitimeve, u publikuan edhe detaje tjera me bonuse të mëdha për fitimin e trofeut në La Liga, Ligën e Kampionëve, si dhe Topin e Artë.

Raportet sugjerojnë se Messi është i zemëruar me zbulimin ndërsa shton se gjashtë herë fituesi i Topit të Artë po përgatit veprime ligjore kundër gazetës.

Ndryshe, marrëveshja aktuale e Messit skadon në fund të sezonit me 33-vjeçarin të lidhur me një lëvizje në Manchester City dhe Paris Saint-Germain.