Gjatë ditës së djeshme, sekretari i Përgjithshëm i Aleancës për Shqiptarët, Arben Taravari, akuzoi Qeverinë se nuk i ka vendosur sanksione Rusisë ashtu siç bëri Bashkimi Evopian.

Zëdhënësi i Qeverisë, Muhamed Hoxha tha se Qeveria nuk komenton deklaratat e partive politike, por theksoi se vendi është i përkushtuar në rrugën drejt eurointegrimeve.

“Siç e dini, Republika e Maqedonisë së Veriut është vend anëtar i NATO-s dhe ecim përpara drejt Bashkimit Evropian. Vazhdojmë me zbatimin e gjitha reformave të cilan janë të nevojshme brenda në vendin tonë ne qëllim që të jemi pjesë e familjes evropiane”, tha Hoxha.

Ndryshe, Taravari dje akuzoi se Qeveria e Zaevit plot 21 herë ka refuzuar të dënojë Rusinë ndërsa më e habitshmja, sipas Taravarit, është për shkak MPJ-në e Maqedonisë e udhëheq një shqiptar, pra ministri Bujar Osmani./Telegrafi/