Kreu i Aleancës për Shqiptarët, Ziadin Sela, me rastin e Ditës së Flamurit- 28 Nëntor, i ka uruar të gjithë shqiptarët, duke e quajtur festa e shumfishtë për kombin, edhe pse këtë vit po shënohet nën hijen e pandemisë, na bashkon si gjithmonë, për t’i festuar në mënyrë modeste ngjarjet historike, që lidhen me heroin tonë kombëtar, Skënderbeun dhe kohën kur i kthehet atdheut, Ismail Qemalin me shpalljen e Pavarësisë së Shqipërisë dhe Komandanti Adem Jashari më luftën e UÇK-së.

Ndër të tjera, ai ka shkruar se të gjitha këto ngjarje të lavdishme, pa Flamurin kuq e zi, me shqiponjën dykrenare, nuk do e kishin shkëlqimin që e kanë, e as fuqinë emocionale dhe dashurinë e të gjithë shqiptarëve, kudo që ndodhen ata, transmeton arbresh.info.

“Të dashur shqiptarë,

28 Nëntori, festa e shumfishtë për kombin, edhe pse këtë vit po shënohet nën hijen e pandemisë, na bashkon si gjithmonë, për t’i festuar në mënyrë modeste ngjarjet historike, që lidhen me heroin tonë kombëtar, Skënderbeun dhe kohën kur i kthehet atdheut, Ismail Qemalin me shpalljen e Pavarsisë së Shqipërisë dhe Komandanti Adem Jashari më luftën e UÇK-së.

Të gjitha këto ngjarje të lavdishme, pa Flamurin kuq e zi, me shqiponjën dykrenare, nuk do e kishin shkëlqimin që e kanë, e as fuqinë emocionale dhe dashurinë e të gjithë shqiptarëve, kudo që ndodhen ata.

Gëzuar dhe urime të dashur bashkëkombas për këtë festë madhështore, që mision e ka bashkimin dhe dashurinë vëllazërore mes shqiptarësh!

Ziadin Sela
Aleanca për Shqiptarët”./Arbresh.info