Ngjarje e pazakontë: Treni del nga shinat dhe përfundon mbi bishtin e “balenës”

07:52 | 3 Nëntor 2020
Arbresh.info

Një tren në Holandë shpëtoi për mrekulli kur doli nga shinat dhe ndaloi mbi bishtin e statujës së një balene.

Ngjarja ndodhi në stacionin “De Akkers” të Roterdamit 30 minuta pas mesnate.

“Fatmirësisht makinisti doli nga kabina i palënduar. Po ashtu edhe udhëtarët”, tha RET, operatori i transportit hekurudhor në një deklaratë të hënën.

Po të mos kishte qenë për statujën e balenës, krijuar nga arkitekti Maarten Strujis gati 20 vite më parë, treni do të kishte rënë nga një lartësi prej gati 10 metrash.

I pyetur nga mediat vendase, ai tha se kishte menduar që bishti do të ishte dëmtuar në rast të një aksidenti të tillë, pasi ishte prej plastike, por fatmirësisht ia doli të shpëtojë edhe jetë njerëzish.