Buxhetit të Kosovës i janë avulluar më shumë se dy milionë euro.

E tërë kjo është bërë sipas një skeme falsifikimesh e vjedhjes së fjalëkalimeve, shkruan portali arbresh.info

E ministrja Hykmete Bajrami tha se mjete janë të sigurta nga katër transaksionet që u kryen me datën 9 tetor të këtij viti.

Por, a mund të kthehen në tërësi mjetet e vjedhura nga thesari i shtetit.

Për këtë ka folur eksperti i kibernetikës, Mentor Hoxhaj në një intervistë për arbresh.info

Hoxhaj thotë se është e vështirë të kthehen paratë në tërësi, dhe e tërë kjo mund të bëhet vetëm nëse dy milionëshi është bllokuar në sistemin bankar të Kosovës.

“Nuk e besoj që mund të kthehen në tërësi ato, nëse ato kanë arritur të bllokohen në sistemin bankar të Kosovës. Por nëse ato blihen në kriptomonedha atëherë do të jetë e pamundur që të kthehen”, u shpreh Hoxhaj.

Ndërkohë të dyshuarit kryesor në vjedhjen e parave, Labinot Gruda sot nga Gjykata Themelore në Prishtinë i është caktuar masa e paraburgimit për 30 ditë.

Labinot Gruda dyshohet se më 9 tetor 2020 në cilësinë e personit zyrtar ka keqpërdorur detyrën e tij zyrtare duke realizuar transaksione në vlerë prej 2,077,995.90 euro në adresë të një kompanie, me të cilat veprime i ka shkaktuar dëm buxhetit të Kosovës në shumë prej 2,077,995.90 euro./ArditëShkodra/arbresh.info/