Ditën e djeshme bëri bujë lajmi që janë vjedhur më shumë se dy milionë euro nga Thesari i Shtetit.

E lidhur me këtë në një intervistë për portalin arbresh.info ka folur Mentor Hoxhaj, i cili tregon nëse është sulm kibernetik apo keqpërdorim i detyrës zyrtare.

Gjithashtu mes tjerash Hoxhaj flet edhe për mundësinë e kthimit të transaksionit apo mjeteve tek buxheti i Kosovës.

“Nuk e besoj që mund të kthehen në tërësi ato, nëse ato kanë arritur të bllokohen në sistemin bankar të Kosovës. Por nëse ato blihen në kriptomonedha atëherë do të jetë e pamundur që të kthehen”, u shpreh Hoxhaj.

Tutje ai ka treguar edhe për brishtësinë e sistemeve të mbrojtjes kibernetike që përdorin institucionet e vendit.

Mjetet janë tërhequr nga buxheti i Ministrisë së Infrastrukturës më 9 tetor, e vetëm dje është denoncuar rasti. Lidhur me rastin janë njoftuar organet e rendit, që janë duke hetuar.

Deri tani një person është arrestuar dhe dy të tjerë janë shpallur në kërkim./ArditëShkodra/arbresh.info/