Meta: Grupet kriminale marrin përsipër kontrollin elektoral të qarqeve të caktuara

10:16 | 15 Tetor 2020
Arbresh.info

Presidenti i Shqipërisë, Ilir Meta ka sjellë në vëmendje ditën e sotme rritjen e kanabisit në vit zgjedhor, duke theksuar se është traditë e njohur që përdoret si mjet shantazhues ndaj qytetarëve.

Sipas tij grupet kriminale marrin përsipër kontrollin elektoral të qarqeve të caktuara me në krye partitë.

“Shpërthimi i kanabisit në vit zgjedhor është traditë e njohur tashmë për t’u përdorur si mjet përfitimi për grupet kriminale që marrin përsipër kontrollin elektoral të qarqeve të caktuara por edhe si mjet shantazhi ndaj shumë hallexhinjve që në mungesë të mbështetjes shtetërore për aktivitetet bujqësore, blegtorale, të agrobiznesit dhe agroturizmit janë të detyruar të bëhen punëtorë të këtyre grupeve kriminale. Bosët e vërtetë kurrë nuk preken por shpesh për të prodhuar statistika fiktive, arrestohen gra dhe burra të moshuar si grup i strukturuar kriminal”, shkruan Meta.