Besart Berisha ka vazhduar me formën e tij të jashtëzakonshme në kampionatin australian me skuadrën e tij Melbourne Victory.

Melbourne Victory shënoi fitore të thellë 3-0 ndaj Wellington Phoenix, për ta kompletuar fitoren e dytë këtë edicion.

Padyshim që më meritori për këtë fitore ishte sulmuesi shqiptar Besart Berisha që realizoi dy gola në këtë takim.

Golin e parë prishtinasi e shënoi në minutën e 10-të pas një aksioni individual në zonë duke e mposhtur lehtësisht portierin mysafir.

Ndërkohë golin e dytë personal dhe të tretin në këtë takim, Besarti e realizoi në minutën e 61-të, pas një kundërsulmi të shpejtë, ku kaloi portierin dhe realizoi lehtësisht.

Pas katër xhirove në A-League, Melbourne ka grumbulluar shtatë pikë ndërsa Berisha ka realizuar tre gola nga gjashtë në total sa ka realizuar ekipi i tij.

https://www.youtube.com/watch?v=5wXKZYsMp8k