Ministrja e Kulturës, Rinisë dhe Sportit, Vlora Dumoshi ka thënë se 1 shtatori shënon fillimin e muajit të rinisë.

Me këtë rast, Dumoshi përmes një mesazhi kushtuar këtij muaji ka thënë se në çdo periudhë historike, rinia ishte promotore e ndryshimeve rrënjësore në Kosovë dhe se edhe sot angazhimi i tyre është parësor për zhvillimin e vendit, shkruan arbresh.info.

Ajo tutje ka thënë se prej momentit që ka marr mandatin si ministre e Kulturës, Rinisë dhe Sportit të rinjtë i ka pasur prioritetin kyç të punës së saj.

Mesazhi i Dumoshit:

Të dashur të rinj të Kosovës,
1 shtatori shënon fillimin e muajit të rinisë. I gjithë shtatori i takon potencialit dhe energjisë që përçojnë të rinjtë e vendit tonë, të cilët përbëjnë pjesën dërrmuese të popullatës.

Në çdo periudhë historike, rinia ishte promotore e ndryshimeve rrënjësore në Kosovë prandaj edhe sot angazhimi i tyre është parësor për zhvillimin e vendit.

Si Ministre e Kulturës, Rinisë dhe Sportit prej marrjes së mandatit i kam pasur të rinjtë e vendit prioritetin kyç të punës time. Jam shumë e lumtur, që përmes mekanizmave të MKRS-së kemi arritur të shpërndajmë grante për shumë të rinj, të përkrahim organizata rinore dhe të intensifikojmë punën për ligjin për fuqizimin e rinisë.

Përkushtimi im për fushën e rinisë do të jetë konsistent e i vazhdueshëm dhe ju siguroj pa dallim që do të jem derë e hapur e bashkëpunimit.
Gëzuar Muajin e Rinisë! E gëzofshi rininë dhe jetën, me energjinë që ju karakterizon!/arbresh.info/