Është ndarë nga jeta në moshën 57-vjeçare kolonel Neshat Shena, njëherazi komandant i Qendrës së Bashkuar Operacionale.

Lajmi është bërë i ditur nga ministrja e Mbrojtjes Olta Xhaçka, përmes një postimi në rrjete sociale. Koloneli vuante prej kohësh nga leukemia akute. Gjendja e tij shëndetësore ishte tepër e rënduar kohët e fundit çka solli dhe vdekjen ditën e sotme. Kolonel Shena ka një karrierë 35 vjeçare në forcat ushtarake dhe sistematikisht është përgëzuar për kontributin e dhënë në aspektin njerëzor e profesional.

Njoftimi i plotë i Olta Xhaxhçkës:

Pas një beteje të vështirë me një sëmundje të rëndë, kolonel Neshet Shena, komandanti i Qendrës së Bashkuar Operacionale, u nda nga jeta duke lënë në hidherim familjen dhe të gjithë ata që e njohën dhe punuan me të, në 35 vite të karrierës në Forcat e Armatosura. Mirënjohje pa kufi për kontributin njerëzor e profesional të një prej oficerëve më të përkushtuar në FA. Ngushëllimet më të ndjera bashkëshortes e dy djemve.
U prefsh në paqe, kolonel Shena.