Ministrja e Punëve të Jashtme, Meliza Haradinaj- Stublla ka takuar sot Zëvendës Sekretarit Gjeneral të NATO-s, Mircea Geoana.

Në këtë takim është biseduar për integrimin në NATO, i cili është prioritet strategjik i Kosovës.

“Shpreha mirënjohjen e thellë për prezencën e NATO/KFOR në Kosovë, dhe rolin e tyre kontributdhënës në funksion të paqes dhe stabilitetit rajonal”, tha ministrja Haradinaj.

Postimi I plotë:

Integrimi në NATO është një ndër priotetet strategjike të Kosovës. Këtë ja theksova sot Zëvëndës Sekretarit Gjeneral të NATO-s, z. Mircea Geoana në një takim shumë të frytshëm në selinë e NATO-s.

NATO për qytetarët e Kosovës është simbol i lirisë dhe si e tillë mbetet, lidhje historike e strategjike tash e 21 vjet.

Shpreha mirënjohjen e thellë për prezencën e NATO/KFOR në Kosovë, dhe rolin e tyre kontributdhënës në funksion të paqes dhe stabilitetit rajonal.

Kërkova nga z. Geoana mbështjeten e plotë të NATO-s për Kosovën në procesin e përmbylljes së dialogut me Serbinë, gjerësa bashkarisht do të punojmë në thellimin dhe avancimin e marrëdhënieve tona që do të rezultonin në të ardhmen jo të largët, me anëtarësimin e plotë të Kosovës në NATO.

Ky është synimi ynë, e drejta jonë dhe nga ky rrugëtim nuk ka kthim prapa.