Ministri i Drejtësisë, Selimi takohet me drejtorin e burgjeve, ka një kërkesë për të

21:30 | 11 Qershor 2020
Arditë Shkodra

Ministri i Drejtësisë, Selim Selimi ka takuar Drejtorin e Përgjithshëm të Shërbimit Korrektues të Kosovës, Nehat Thaçi.

Selimi këtë e ka bërë të ditur përmes një postimi në Facebook, ku ka treguar se nga Thaçi ka kërkuar që në përpikëri të zbatohen rekomandimet e auditorit kombëtar, transmeton arbresh.info

Selimi ka përfunduar shkrimin e tij duke thënë se transparenca dhe llogaridhënia janë qëllimet parësore të qeverisë.

Postimi i plotë:

Gjatë kësaj jave, në takimin që kam zhvilluar me Drejtorin e Përgjithshëm të Shërbimit Korrektues të Kosovës, Nehat Thaçi, kam kërkuar që në përpikmëri të zbatohen rekomandimet e auditorit kombëtar. Transparenca dhe llogaridhënia, si parime parësore të qeverisjes sonë, garantojnë ngritjen e efikasitetit dhe profesionalizmit në institucionet korrektuese.