Inter është fokusuar vetëm të mesfushori i Brescia, Sandro Tonali.

“Neurazurët” shihen si favorit për të transferuar 20-vjeçarin, i cili është duke u kërkuar edhe nga Juventus, Milan, Manchester United dhe Barcelona, transmeton portali arbresh.info.

Sipas Gazzetta dello Sport, Tonali konsiderohet si prioriteti kryesor i Antonio Conte, i cili dëshiron që mesfusha të jetë e formuar nga italiani dhe dy yjet Nicolo Barella dhe Stefano Sensi.

Inter sot (e diele) konfirmoi shitjen e Mauro Icardi-t te PSG, andaj lehtësisht mund të ofrojnë vlerën që kërkon Brescia për lojtarin.

Brescia kërkonte 50 milionë euro për talentin, por kjo vlerë është zbritur në 40 milionë euro shkaku i pandemisë së koronavirusit.

Tonali ka shënuar vetëm një gol dhe ka kontribuar me pesë asistime në 23 paraqitje në Seria A, ndërsa bëri tri paraqitje për Kombëtaren e Italisë./arbresh.info.